[Reportage] Tilly Metz iwwer Handelsaccord mat Südamerika: Net kompatibel mat Ëmweltambitiounen

Dëse Reportage gouf fir RTL Radio Lëtzebuerg produzéiert, a gouf de 4. September iwwerdroen. De ganze Beitrag kann een och hei fannen.

A villen europäesche Stied sinn Demonstratioune géint den Handelsaccord tëscht der EU an der südamerikanescher Handelsunioun Mercosur annoncéiert.

Dësen Accord géing dat weltgréisste Fräihandelsgebitt schafen, wouvun 800 Millioune Konsumente profitéiere kéinten. Ëmweltschützer soen, dass dësen Accord schlecht fir d’Natur wier.

Mercosur ass déi südamerikanesch Handelsunioun mat besonnesch zwee Länner, déi am meeschte vun engem Accord mat der EU profitéiere géingen: Argentinien a Brasilien. Brasilie gëtt par contre virgeworf, dass d’Regierung sech net genuch engagéiert, fir den Amazonas ze beschützen.

Déi Lëtzebuerger Europadeputéiert Tilly Metz seet, dass duerch d’Erhéijung vun Exportatioune mat méi Deforestatioun am Amazonas misst gerechent ginn an dass dat eng Katastroph fir d’Ëmwelt an déi indigen Bevëlkerung wier.

Dësen Accord wier net der Zäit ugepasst an net kompatibel mat den Ëmweltambitioune vun der Europäescher Unioun, sou nach déi gréng Politikerin.

Donieft géing den Accord och schlecht Auswierkungen op d’Situatioun innerhalb vun der EU hunn. Duerch d’Konkurrenz géingen europäesch Baueren ëmmer méi an d’Dumping-Präisser gedriwwe ginn, wou Natur- an Déiereschutz net méi grouss geschriwwe géinge ginn.

D’Europäescht Parlament diskutéiert iwwert déi sougenannten « due diligence » bei Handelsofkommes: Ënnert dem Stréch heescht dat, dass d’EU méi oppasse misst, ob EU-Standarde vun Ëmweltschutz a Mënscherechter am Partnerland respektéiert ginn.

Den Accord mam Mercosur steet elo virun engem Vott am Europäesche Conseil am Oktober. Duerno mussen d’Europäescht Parlament an déi 27 national Parlamenter och nach hiren Accord ginn.

About Bill Wirtz

My name is Bill, I'm from Luxembourg and I write about the virtues of a free society. I favour individual and economic freedom and I believe in the capabilities people can develop when they have to take their own responsibilities.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s