[Reportage] Isabel Wiseler: EU-Memberstaate misste gezwonge ginn, mannerjäreg Flüchtlingen opzehuelen

Dëse Reportage gouf fir RTL Radio Lëtzebuerg produzéiert, an ass de 19. Februar iwwerdroe ginn. De ganze Beitrag fënnt een och hei.

Zënter e puer Méint beschwéiert sech Griicheland bei aneren EU-Memberstaaten, dass hinne bei mannerjärege Flüchtlingen net gehollef géing ginn.

D’Europäesch Kommissioun zu Bréissel deet sech schwéier, fir een eenheetlechen EU-System fir d’Flüchtlingsfro ze fannen, an eng Lëtzebuerger Europadeputéiert kritiséiert dës Inaktivitéit.

Am Hierscht d’lescht Joer hat de griischeche Migratiounsminister Michalis Chrisochoidis een Appell u seng Homologen aus de 27 EU-Memberstaate geriicht. 4.000 mannerjäreg Flüchtlingen, déi net accompagnéiert sinn, sinn am Moment op griicheschen Inselen, ouni déi néideg humanitär, sanitär, an edukativ Ënnerstëtzung, fir se richteg z’accueilléieren.

Déi Lëtzebuerger Europadeputéiert Isabel Wiseler, Member vun der Mënscherechtskommissioun am Europaparlament, seet, dass Griicheland nach ëmmer ënnert dem Problem vun ze vill Arrivéeën leit. Déi meeschten EU-Memberstaaten haten als Reaktioun gemengt, dass si dës Kanner net kéinten ophuelen. D’Isabel Wiseler seet, dass si versteet, dass ee sech fir eng europäesch Léisung asetzt, erkläert awer och, dass an der Tëschenzäit Kanner a ganz schlechte Konditiounen op dësen Insele sinn. Et bräicht ee méi séier eng Léisung.

Eng automatesch europäesch Ëmverdeelung vu Flüchtlinge misst geschéien, esou d’CSV-Politikerin, a si dierf net fräiwëlleg sinn. Länner wéi Ungarn hate sech am Ufank vun der Flüchtlingskris ferm géint esou ee Reegelwierk gestäipt. D’Isabel Wiseler ass der Meenung, dass een déi Konfrontatioun mat esou Länner misst agoen.

Ee Changement vun den europäesche Verträg wier ideal, mä dat géif Referendumen an EU-Memberstaate mat sech bréngen, woufir si am Moment net wier.

About Bill Wirtz

My name is Bill, I'm from Luxembourg and I write about the virtues of a free society. I favour individual and economic freedom and I believe in the capabilities people can develop when they have to take their own responsibilities.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s