[Reportage] Februar-Plénière zu Strosbuerg: Brexit-Verhandlungen, Afrika-Relatiounen, Hausdéieren

Dëse Reportage gouf fir RTL Radio Lëtzebuerg produzéiert, a gouf de 14. Feburar iwwerdroen.

Dës Woch war d’Plénière vum Europaparlament zu Strosbuerg, wou ënnert anerem d’Brexit-Verhandlungen, d’Relatioune mat Afrika, an den illegale Schmuggel vun Hausdéieren um Ordre du Jour waren.

Ufanks der Woch huet d’Europaparlament hiere Mandat de négociation fir d’Verhandlungen mat Groussbritannien gestëmmt. An hierem Vote um Dënschden wëll d’Parlament keng Droits de douane, a keng Quoten, mee wënscht sech vu Westminster dofir awer ee Level-playing-field bei de Standard’en vun de Wueren.

Mat 543 Stëmmen dofir, just 39 Stëmmen dogéint, a 69 Abstentiounen, hunn d’Europadeputéiert dës Resolutioun ugeholl.

Um selweschten Dag huet d’Europaparlament sech och mat Ausspolitesche Sujet’en beschäftegt, dorënner d’Situatioun a Syrien, de Kampf géint Antisemitismus, an den Etat de droit a Polen.

An engem Débat iwwer d’Relatiounen zwëschen der Europäescher Unioun an Afrika huet den DP-Europadeputéierten Charles Goerens dorop higewisen dass a Saachen vun der Entwécklungshëllef an dem Handel, Europa den éischten Handelspartner vun Afrika ass. Hie werft d’Fro op, ob et net géing Sënn maachen der Afrikanescher Unioun ze hëllefen ee Sëtz am Sécherheetsrot vun der UNO ze kréien.

Déi Gréng Europadeputéiert Tilly Metz huet an engem ganz spéiden Débat am Parlament e Mëttwoch iwwer den illegalen Handel mat Hausdéiere geschwat. Fir dogéint firzegoen fuedert d’Tilly Metz een harmoniséierten EU-System, deen de Verkaf vun Hausdéieren iwwer de ganze Kontinent ewech tracéiert. Donieft misst d’EU och géint illegal Reklamme vun Hausdéiere virgoen, fir illegale Schmuggler ze Wand aus de Seegelen ze huelen.

Méi spéit an der Woch dann huet d’Europaparlament dann och säin Accord fir den Handelsaccord mam Vietnam ginn, an eng allgemeng Rekatioun op de Coronavirus diskutéiert.

About Bill Wirtz

My name is Bill, I'm from Luxembourg and I write about the virtues of a free society. I favour individual and economic freedom and I believe in the capabilities people can develop when they have to take their own responsibilities.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s