[Reportage] Phänomen vun de Geeschterfligeren gouf temporär gestoppt

Dëse Reportage gouf fir RTL Radio Lëtzebuerg produzéiert, an ass de 7. Abrëll iwwerdroe ginn. De ganze Beitrag fënnt een och hei.

Am Ufank vun der Corona-Kris sinn an Europa eidel Passagéierfligere geflunn. Dat läit un enger Reegelung vun de Fluchhäfen, déi elo an der Kritik steet.

Keng Passagéier, keng Bagagen: An deenen éischte Woche sinn déi sougenannte “Geeschterfligeren” iwwer Europa geflunn. Déi Lëtzebuerger Europadeputéiert Tilly Metz erkläert, dass d’Reegelunge vun de sougenannte “Slots” doru Schold waren. Fluchgesellschafte mussen 80% vun hire Fluchlinne benotzen, soss verléieren se hiert Recht drop a kënne vun der Konkurrenz ersat ginn. Dofir hu vill Entreprisen eidel Fligeren dorëmmer geschéckt, fir hier Rechter net ze verléieren.

D’Slot-Reegelung ass momentan temporär ausser Kraaft gesat ginn, fir dass net onnéideg musse Fligeren fléien. Op laang Dauer misst een eng Reform vun dësem System maachen, sou déi Gréng Europadeputéiert. Eng Reform war vun der Europäescher Kommissioun ugeduecht ginn, mä war un der Resistenz vun de Memberstaate gescheitert.

D’Tilly Metz freet och no Klima-kompatibelen Alternativen: Et bréicht ee manner Slots, doduerch manner Fligeren.

Elo, wou Fluggesellschaften duerch de Coronavirus a Reesrestriktiounen a finanziell Schwieregkeete kënne kommen an d’Staaten vun den Entreprisen ëm Hëllef gebuede ginn, misst ee Konditioune setzen. Et kéint net sinn, dass Entreprisen déi net Klima-kompatibel agéieren, elo géinge just Sue kréien. Wann se gerett oder deels verstaatlecht ginn, da missten d’Klimaziler och verankert ginn.

Déi Gréng géifen an der aktueller Kris Mesure fuerderen, déi schaffend Leit ënnerstëtzen, Aarbechtsplaze behalen, mä déi och zu der sozial-ökologescher Transitioun géinge bäidroen.

About Bill Wirtz

My name is Bill, I'm from Luxembourg and I write about the virtues of a free society. I favour individual and economic freedom and I believe in the capabilities people can develop when they have to take their own responsibilities.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s