Dëse Reportage gouf fir RTL Radio Lëtzebuerg produzéiert, an ass de 6. Mäerz iwwerdroe ginn.

Eng Grupp vun Députéierten am Europäesche Parlament setzt sech fir eng EU-wäit Strategie fir mental Krankheeten an, dorënner och d’Lëtzebuergerin Tilly Metz. Et bréicht ee Coordinatioun ze Bréissel fir besser mat deem Problem ëmzegoen.

Déi Lëtzebuerger Europadeputéiert Tilly Metz erkläert dass nei Strategien am Beräich vun der Preventioun an der Krankheetsbekämpfung den Débat iwwer d’Kompetenze vun der EU méi grouss gemaach huet. Patientevertriedungen am Beräich mental Gesondheet fille sech vernoléissegt.

Mat der Koalitioun fir “Mental Health and Wellbeing”, also der geeschtler Gesondheet an dem Wuelbefannen, wëllen Europadeputéiert d’Europäesch Kommissioun iwwerzeegen fir eng EU-Strategie op dësem Sujet auszeschaffen. Déi Gréng Europadeputéiert seet dass d’EU am Gesondheetsberäich oft ënnerschat gëtt.

Oft ginn esou Strategien ausgeschafft well et ze grouss Ënnerscheeder tëschent de Membersstaate ginn. Dat wier hei net de Fall, esou d’Tilly Metz. An all de Membersstaaten géif et nach vill Defiziter ginn, souwuel am Beräich vun der Behandlungen wéi och an der Bekämpfung vum Stigma.

Elo bleift ze gesinn op d’Europäesch Kommissioun sech dëser Tâche unhëllt.