Dëse Reportage gouf fir RTL Radio Lëtzebuerg produzéiert ginn, an ass den 22. November iwwerdroe ginn. De ganze Beitrag kann een hei fannen. 

D’Europaparlement huet an enger Resolutioun ee neit Gesetz a Pole kritiséiert. Wann d’Parlament zu Warschau géing jo soen, da géingen dës Reegelen, déi géint Pedophilie solle sinn, Sexualerzéihung bei Kanner illegal maachen.  

De Gesetzprojet geet dovun aus dass sexuell Erzéiung vu Kanner per se Kanner sexualiséiert. Déi aktuell politesch Majoritéit a Polen ass sozial konservativ, a seet sech vu kathouleschem Glaawen inspiréiert.

Déi Lëtzebuerger Europadeputéiert Tilly Metz, co-auteur vun der Resolutioun, mengt dass a Pole géing ee komeschen Amalgame gemaach ginn. Sexualierzéihung hätt mat Pedophilie näischt ze dinn.

Edukatioun ass allerdéngs keng Kompetenz vun der Europäescher Unioun, an ass domat komplett de Membersstaaten iwwerlooss. Déi Gréng Europadeputéiert mengt awer dass een den Effekt vun hierer Resolutioun net dierft ënnerschätzen. Oft schon hätt Opmierksamkeet vun de Medien gehollef ee Problem wéi deen doten ze léisen.

Et wier awer net nëmmen a Polen de Fall. Och am Rescht vun Europa géif et nach ëmmer Stigma op deem Sujet ginn. Educateuren solle sech hierer Verantwortung bewosst sinn, a Sexualerzéiung sérieux an offen ugoen.

Am Fall vu Polen bleift elo ze gesinn wéi d’Parlament zu Warschau décidéiert, a wann d’Gesetz géing ugeholl ginn, wéi d’Interpretatioun vun internationalen Traité’en spille kann.