Dëse Reportage gouf fir RTL Radio Lëtzebuerg produzéiert ginn, an ass de 17. Oktober iwwerdroe ginn. De ganze Beitrag an Audio fënnt een hei (am Journal no der Paus).

Zënter méi wéi enger Woch bedreiwt d’Tierkei a Nordsyrien eng Offensiv géint d’Kurden, mam selbsterklärten Zil fir Terorismus ze bekämpfen. An der Europäescher Unioun ass d’Majoritéit entsat iwwer d’Virgangsweis vun Ankara.

Eng ganz Rëscht Länner, dorënner Frankräich, Däitschland, Schweden, Finland, an Italien hunn décidéiert keng Waffe méi an d’Tierkei ze liwweren. Zu enger geschlosseener EU-Positioun koum et bis elo awer net wierklech. De Conseil vun den Ausseministeren hat just beschloss dass Europe eng « staark Äntwert » sollt ginn. Vill heescht dat net.

Déi Lëtzebuerger Europadeputéiert Isabel Wiseler ass Member vun de Commisison des affaires étrangères am Europaparlamenent, an och an der Delegatioun fir d’Relatiounen mat der Tierkei. Si seet sech entsaat driwwer dass et net zu enger Eenegung komm ass. Ee Grond dovun wier d’Opposition vum ungaresche Premierminister Viktor Orban, deem der tierkescher Regierung souguer félicitéiert hat.

D’Tierkei hat och effektiv dem ungaresche Premierminister Viktor Orban Merci gesot fir seng Ënnerstëtzung.

D’Isabel Wiseler seet och dass den Donald Trump mat senger Décisioun vill Problemer geschaaf hätt. Eng Laag déi amgaange war sech ze stabiliséieren, géing sech elo erem verschlechteren.

D’Isabel Wiseler seet dass et elo de Moment wier fir all Gespréicher fir eng Opnahm vun der Tierkei an d’Europäesch Union entgülteg op Aïs ze leeën.