Dëse Feature ass Deel vun enger Serie iwwer d’Europawahlen déi ech fir RTL Radio Lëtzebuerg produzéiert hunn. De Beitrag ass de 7. Mee iwwerdroe ginn. De Link ass hei.
Zanter d’läscht Woch ass d’Campagne vun de Parteien fir d’Europawalen den 26. Mee offiziell am gaangen.
A kuerze Reportagen bereede mer eis op d’EU-Wahlen vir a beliichten de Fonctionnement vun der EU.
Den Europäesche Conseil representéiert d’Memberstaate vun der Europäescher Unioun, an ass zesumme mam Europäesche Parlament de Co-Legislateur vun der EU. De Conseil huet dräi Aart a Weise fir ofzestëmmen : d’majorité simple, d’majorité qualifiée, oder d’Eestëmmegkeet.
D’majorité simple, läit elo nodeems Groussbritannien d’EU verlooss huet, bei 14 Stëmmen vu 27. Dës Majoritéit kann net fir legislativ Vote benotzt ginn.
Fir d’majorité qualifié brauch een 55% vun de Memberstaaten, déi op d’mannst 65% vun der Populatioun vun der EU representéieren.
D’Eestëmmegkeet fuerdert, dass all Memberstaat entweder dofir stëmmt oder sech enthält. Op dësen Dossier’en ass d’Unanimitéit obligatoresch : Decisiounen an der Aussepolitik a Sécherheetspolitik, wann ee nei Rechter fir EU Bierger wëll decidéieren, d’Akzeptéieren vun neie Memberstaaten, d’Harmoniséieren vun indirekte Steieren (wéi zum Beispill d’TVA), de Budget vun der EU, verschidde Beräicher vun der Justice a vum Interieur (zum Beispill Decisioun iwwer den europäesche Procureur), a schlussendlech bei der Harmoniséierung vun der Sozialversécherung an der sozialer Protektioun.
Pictures are Creative Commons.
Thanks for liking and sharing!
Bill Wirtz 